安全性行為 從今天開始
(01/2007 修訂內容)
我的性伴侶……
教妳如何叫他使用安全套
我個老公以前有唔少女朋友,雖然結婚後我哋好恩愛,但有啲性病可以潛伏好耐。而且亦難保佢不會再同其他女人發生性關係,用安全套我就最安心喇。但係……點開口呢?
我個性伴侶呢輪成日返大陸呀……淨係做嘢就好啦,我懷疑佢喺上面攪三攪四呀……我……我懷疑佢傳染咗性病俾我,真係好擔心,又唔知點算。
我如何與伴侶開展使用安全套的話題?
妳可以嘗試在大家都覺得舒服、安全及信任的環境下與你的另一半分享彼此的看法。
聆聽之餘,亦可以嘗試用談情的語氣:溫柔、穩重、肯定的聲調,講出自己的感受、困難及澄清雙方差異的地方。
例如:遇上有關性病或愛滋病新聞時,順勢提出討論。你可以談論安全套的保護作用,以及為甚麼愈來愈多人使用安全套。
切記要避免在熱情如火的時候才開始討論是否使用安全套。否則只會破壞氣氛。
資料提供:香港婦女中心協會
妳絕對有性自主的權利
主動保護自己免受愛滋病及其他性病感染
但係如果我嘅伴侶話:
- 我唔習慣用安全套!
- 咁點回應?
- 習慣係時間累積而來嘅,只要我哋多練習就得啦!
- 試新嘢能夠增加我哋做愛嘅樂趣噃!
- 咁點回應?
- 用安全套會破壞我哋嘅浪漫感覺!
- 咁點回應?
- 浪漫嘅感覺唔關安全套嘅事喎!而係同我哋嘅前奏有關,不如試吓囉!
- 咁不如我哋買啲得意啲新奇啲嘅套返嚟試,一齊浪漫吓囉!
- 咁點回應?
- 你唔信任我!
- 咁點回應?
- 呢個同信任無關,只係同大家嘅健康有關!
- 俾我覺得我被愛護,對我嚟講係好重要㗎!
- 咁點回應?
- 用套會減低性快感!
- 咁點回應?
- 俾個安全套我,睇我哋點樣可以從中揾到樂趣!
- 咁點回應?
- 我唔用安全套!
- 咁點回應?
- 我堅持如果大家都想要更進一步,就一定要用!
- 我嘅原則係一定要用喎!
- 咁點回應?
- 但係我哋以前都唔用安全套喎!
- 咁點回應?
- 我哋可以依家用㗎,咁先至可以防止感染或者再受到感染嘛!
- 我唔想我哋再冒險,所以我哋依家要開始用套嘞!
- 咁點回應?
- 但我愛你!
- 咁點回應?
- 我都好愛你,但係我哋仍然要用套!
- 只有愛唔可以保護我哋抵抗性病同愛滋病嘅傷害,但係套就可以!
- 咁點回應?
安全性行為
- 與性伴侶保持專一的性關係。
- 多了解性伴侶的性生活及有關背景。
- 每次行房時,緊記要用安全套及確保使用的方法正確。
- 選擇堅韌度較高之安全套,並在有需要時配合使用水溶性潤滑劑。
- 互相愛撫時,皮膚如有損傷,須避免接觸對方之分泌。
- 口腔內如有損傷,須避免作長時間劇烈接吻。
- 性病未醫好或性器官有損傷時,盡量不要與人性交。
- 如果自己或者性伴侣有多個性伴侶,就應定期接受愛滋病病毒抗體測試及性病檢查。
安全性行為及定時進行子宮頸普查可以預防子宮頸癌!
24小時子宮頸普查服務預約熱線:31666631