साना बालबालिकामा हुने स्क्विन्ट र सिउडोस्क्विन्ट
स्क्विन्ट
स्क्विन्ट भनेको के हो?
स्क्विन्ट भनेको आँखाको विचलन हो। दुवै आँखाहरू सिधा नदेखिएर, छुट्टा-छुट्टै दिशामा हेरेको जस्तो देखिन्छ। असामान्य वा विचलित आँखा भित्र, बाहिर, माथि वा तल, आदि जतातिर पनि फर्किन सक्छ।
भित्रतिर फर्केको आँखा भएको अभिसारी स्क्विन्ट वा छड्के आँखा स्क्विन्टको सबैभन्दा सामान्य प्रकार हो।
स्क्विन्ट के कारणले हुन्छ?
स्क्विन्ट मस्तिष्क, कपालका स्नायुहरू, आँखाहरू वा आँखाका मांसपेशीहरूलाई प्रभाव पार्ने जन्मजात अवस्था, रोग वा चोटपटकहरूले गर्दा हुन सक्छ। दूरदर्शिता (हाइपरोपिया) को अत्याधिक समस्या भएका बालबालिका वा शिशुहरूलाई स्क्विन्ट विकास हुन सक्छ।
स्क्विन्ट कमजोर दृष्टिसँग कसरी सम्बन्धित छ?
दृश्यात्मक प्रकार्यको विकासमा दुईवटा आँखाले एउटै दिशामा हेर्न आवश्यक हुन्छ। स्क्विन्टको उपचार समयमै नगरिएमा, आँखा र मस्तिष्कको दृश्यात्मक प्रणालीको विकास प्रभावित हुनेछ जसले गर्दा कमजोर दृष्टि निम्तिनेछ। प्रभावित आँखा एम्बलायोपिक वा मन्द हुन सक्नेछ। त्यसैले, तपाईंको बच्चालाई स्क्विन्ट भएको छ भन्ने आशंका लागेमा आफ्नो चिकित्सक, आँखा विशेषज्ञ वा नेत्र रोग विशेषज्ञसँग पहिले नै परामर्श लिनुहोस्।
सिउडोस्क्विन्ट
सिउडोस्क्विन्ट भनेको के हो?
सिउडोस्क्विन्ट भनेको स्क्विन्ट भएको जस्तो देखिन्छ, तर वास्तवमा आँखाहरू सिधा र सामान्य हुन्छन्। यो समस्या आँखा(हरू) धेरैजसो भित्रतिर वा छड्के देखिने शिशु तथा साना बालबालिकामा अवलोकन गरिन्छ।
शिशुहरूको आँखा अन्य व्यक्तिहरूको भन्दा छड्के भएको जस्तो किन देखिन्छ?
शिशुहरू र युवा बालबालिकाको प्रायजसो चौडा, समतल नाकको डाँडी वा नाकको दुवै छेउको तल झुण्डिने व्यापक छालाको फोल्ड हुन्छ। परिणाम स्वरूप, स्क्लेरा (आँखाको सेतो भाग) को भित्री भाग छालको फोल्डद्वारा ढाकिएको छ जसले गर्दा छड्के आँखाको गलत रूप-रङ निम्त्याउँछ।
सिउडोस्क्विन्टले किन दृष्टिमा प्रभाव पार्छ?
होइन। सिउडोस्क्विन्टले मात्र दृष्टिको विकासमा प्रभाव पार्दैन।
सिउडोस्क्विन्ट सही स्क्विन्ट बन्नेछ?
होइन। सिउडोस्क्विन्ट एक्लै सही स्क्विन्टमा विकास हुनेछैन। यद्यपि, बच्चालाई प्रभाव पार्ने अन्य कारण वा रोगहरूले गर्दा स्क्विन्ट पछि हुन सक्ने भएकाले आमाबुवाहरूले नजिकैबाट हेरिराख्नुपर्छ।
सिउडोस्क्विन्टलाई कुनै उपचारको आवश्यकता हुन्छ?
सिउडोस्क्विन्टलाई उपचारको आवश्यकता हुँदैन। बच्चा बढ्दै जाँदा, चौडा नाकको डाँडी छोटो हुन जान्छ र गलत रूप-रङमा विस्तारै समयको क्रमसँगै सुधार आउँछ।
मेरो चिकित्सकले मेरो बच्चालाई सिउडोस्क्विन्ट छ भनेर भन्नुभयो। मैले के गर्नुपर्छ?
तपाईंको बच्चालाई पछि अन्य बालबालिकालाई जस्तै अन्य स्क्विन्ट वा आँखाका समस्याहरू विकास हुने बराबर सम्भावना हुने भएकाले, तपाईंले समय-समयमा आफ्नो बच्चाको आँखा अवलोकन गर्नुपर्छ।
तपाईंको बच्चालाई निम्नमध्ये कुनै पनि अवस्था(हरू) देखिएको छ भने, चिकित्सा सुझाव-सल्लाहको लागि आफ्नो चिकित्सक, आँखा विशेषज्ञ वा नेत्र रोग विशेषज्ञसँग परामर्श लिनुहोस्।
- बच्चाको आँखा फोटोहरूमा वस दैनिक अवलोकनमा लगातार रूपमा अनौठों देखिन्छ
- दुईवटा आँखा एकसाथ चलिरहेको देखिँदैन
- टेलिभिजन हेर्दा वा पढ्दा एउटा आँखा बन्द गर्ने वा छोप्ने
- वस्तुहरूलाई हेर्दा टाउकोलाई झुकाउने
- आँखाहरू चिम्म गर्ने, फरक-फरक दिशामा हेर्ने, सामान्यभन्दा बढी झिमझिम गर्ने
- धमिलो देख्ने बारे गुनासोहरू
- आँखाबाट आँसु निस्किने
- आँखाका अन्य समस्याहरू