कोल्पोस्कोपी गर्दा तपाईंमा न्यून-ग्रेड स्क्वामस इन्ट्राएपिथेलियल घाउ (LSIL) / ह्युमन पेपिलोमाभाइरस (HPV) भएको पत्ता लाग्यो भने , यसको अर्थ के हुन्छ? [टिप्पणीहरू: LSIL लाई पहिले सर्भिकल इन्ट्राएपिथेलियल नियोप्लेसिया (CIN) I को रूपमा चिनिन्थ्यो]

• कोल्पोस्कोपी र/वा बायोप्सी गराएकी महिलालाई स्क्वामस इन्ट्राएपिथेलियल घाउ (SIL) भएको पत्ता लागेको छ भने, यसको अर्थ पाठेघरको मुखका कोषहरू असामान्य छन् र तिनको रूप परिवर्तन भएको छ।
• पाठेघरको मुखका कोषहरूमा HPV सङ्क्रमणले कोषलाई क्षति पुर्‍याउन सक्छ, जसले गर्दा सर्भिकल क्यान्सर हुने जोखिम बढ्न सक्छ।
• तपाईंको कोल्पोस्कोपी रिपोर्टमा LSIL/HPV देखाएमा, यसको अर्थ तपाईंको पाठेघरका कोषहरूमा हल्का परिवर्तनहरू भएका छन्/तपाईं HPV बाट सङ्क्रमित हुनुहुन्छ।  यद्यपि, धेरैजसो महिलाहरू 2 वर्षभित्र कुनै उपचार विना नै स्वतः निको हुने छन्। यसैबीच, तपाईंको अवस्थाको निगरानी गर्नका लागि तपाईंले नियमित र बारम्बार सर्भिकलसर्भिकल परीक्षणहरू गराउनु आवश्यक छ।

मैले अर्को सर्भिकल स्मियर परीक्षण कहिले गर्नुपर्छ?

2024 मा हङकङ कलेज अफ अब्स्टेट्रिसियन्स एण्ड गाइनेकोलोजिस्ट्सद्वारा प्रकाशित 'सर्भिकल क्यान्सर प्रिभेन्सन एण्ड स्क्रिनिङका लागि दिशानिर्देशहरू' अनुसार, कोल्पोस्कोपीपछि तपाईंलाई 1 वर्षमा (र आवश्यक परेमा 2 वर्षमा), त्यसपछि 3 वर्षपछि HPV परीक्षण गराउने व्यवस्था गरिने छ। सबै नतिजाहरू सामान्य आएमा, तपाईं नियमित सर्भिकल स्क्रिनिङमा फर्कन सक्नुहुन्छ।

फलो-अपको क्रममा तपाईंको रिपोर्ट असामान्य आएमा, तदनुसार समयतालिका समायोजन गरिने छ।

कुनै पनि सोधपुछका लागि, कृपया हाम्रो मेडिकल र नर्सिङ कर्मचारीलाई सम्पर्क गर्नुहोस्।