सर्भिकल स्क्रिनिङ परीक्षणमा हाइ ग्रेड स्क्वामस इन्ट्राएपिथेलियल घाउ देखिएमा, यसको अर्थ कोषहरू मध्यम वा गम्भीर रूपमा बिग्रेर परिवर्तन भइरहेका छन् भन्ने हुन्छ। उपचार नगरिएमा, प्रत्येक 100 महिलामा 1 देखि 2 जनालाई सर्भिकलसर्भिकल क्यान्सर हुन सक्छ। सही निदान गर्नका लागि, यी महिलाहरूलाई कोल्पोस्कोपिक जाँच गर्नुपर्दछ, जसमा थप परीक्षणका लागि तन्तु बायोप्सी लिइने छ, ताकि तदनुसार त्यस्तो उपचारका लागि सल्लाह दिन सकिन्छ। सर्भिकलनियमित फलो-अप सर्भिकल परीक्षण गरेर सफल उपचार गर्नाले सर्भिकल क्यान्सरको जोखिम कम गर्न सक्छ।

सामान्यतया, सर्भिकल क्यान्सर लामो समयावधिमा विकास हुने गर्दछ। पाठेघरका कोषहरू बिस्तारै हल्काबाट मध्यम, त्यसपछि गम्भीर र अन्तमा पाठेघरको क्यान्सरमा परिणत हुँदै सामान्यबाट असामान्य परिवर्तनहरूको शृङ्खलाबाट गुज्रन्छन्। यी परिवर्तनहरू समय बित्दै जाँदा बिग्रँदै जान सक्ने भए तापनि, ती स्वतःस्फूर्त रूपमा सामान्य अवस्थामा फर्कन पनि सक्छन्। सामान्यतया, गम्भीर रूपमा विकृत अवस्थाबाट क्यान्सरमा परिणत हुन 5 देखि 10 वर्षसम्म लाग्न सक्छ।

उपचार

चिकित्सकले योनिमा स्पेकुलम घुसाउने छन्, योनि र पाठेघरको मुखमा विशेष औषधीजन्य घोल लगाउने छन् र त्यसपछि कुनै पनि असामान्य घाउ पहिचान गर्न कोल्पोस्कोप प्रयोग गर्ने छन्। कुनै असामान्य घाउ फेला परेमा, चिकित्सकले उपकरण प्रयोग गरेर तन्तुको सानो टुक्रा निकाल्ने छन् र परीक्षणका लागि प्रयोगशालामा पठाउने छन्।

कुनै आक्रामक क्यान्सर नभएमा, उपचार पाठेघरको मुखमा मात्र सीमित हुने छ। उपचारका विकल्पहरूमा घाउ काट्ने वा नष्ट गर्ने लगायत पर्दछन्। सामान्यतया लुप इलेक्ट्रोसर्जिकल एक्सिइजन प्रक्रिया र लेजर थेरापी विधिहरू प्रयोग गर्ने गरिन्छ। यो शल्यक्रियाका लागि लगभग 30 मिनेट लाग्छ र यो सामान्य उपचार कक्षमा स्थानीय एनेस्थेसिया प्रयोग गरेर गर्न सकिन्छ।