पिडादायी वा चिलाउने योनीसँग कसरी सामना गर्ने?
(Content revised 06/2015)
यौनाङ्गको छाला निकै संवेदनशील हुन्छ र यसलाई रसायनहरू वा शारीरिक ढङ्गद्वारा चिडचिडाहट हुनबाट रोकथाम गर्नु महत्त्वपूर्ण हो । यदि तपाईंलाई योनी क्षेत्रमा चिलाएको वा कडा खलको पिडा अनुभव भयो भने जति सक्दो चाँडो चिकित्सकको परामर्श लिनुहोस् । चिकित्सकलाई नभेटिकन काउण्टरबाट किन्न सकिने औषधिहरू प्रयोग नगर्नुहोस् ।
योनीबाट पानी बग्नु
प्राय: सबैजसो महिलाहरूको गर्भावस्थामा योनीबाट पानी बग्ने गर्छ । त्यो सफा र सेतो हुनुपर्छ अनि त्यो गनाउने हुने हुँदैन । यदि तपाईंमा निम्नलिखित कुरा भएमा चिकित्सकको परामर्श लिनुहोस् । तपाईंलाई योनीको सङ्क्रमण भएको हुन सक्छ ।
- योनीबाट बगेको पानी रङ्गीन वा रगत मिसिएको छ भने
- योनीबाट बगेको पानी अनौठो बास्ना आउँछ भने
- तपाईंलाई चिलाएको वा घाउ भएको अनुभव हुन्छ भने
स्वास्थ्य
- यौन अङ्गहरूलाई अति नै बढी न धुनुहोस् । यौनाङ्ग क्षेत्रको छालालाई हल्कासाथ व्यवहार गर्नुहोस् ।
- डुसहरू प्रयोग नगर्नुहोस्
- बबलबाथ वा कुनै पनि सुगन्धित क्रिम, साबुन वा महिलाको स्वास्थको उत्पादनहरू प्रयोग नगर्नुहोस्
- योनी क्षेत्रमा स्याम्पु पार्नबाट टाढै रहनुहोस्
- सफा गर्नको लागि वा लक्षणहरूबाट आराम दिलाउनको लागि सादा पानी /सलाइन प्रयोग गर्न सकिन्छ
- मुत्राशय पूरा भरिनु भन्दा पहिले नै पिसाब गर्नुहोस् । शौचालय प्रयोग गरिसकेपछि योनी देखि पछाडी सम्म पुछ्नुहोस् । यसले सामान्यतः तपाईंको मलद्वारमा बस्ने जीवाणुलाई तपाईंको योनीमा पस्नबाट रोकथाम गर्नमा मद्दत गर्न सक्छ। पिसाब गरिसकेपछि योनीलाई पानीले पखाल्नुहोस् ।
- नरम, सेतो, सुगन्धित नपारिएको टोइलेट पेपर प्रयोग गर्नुहोस्
- १०० % सुतिको महिनावारी भएको समयमा प्रयोग गर्ने प्याड र टेम्पोनहरू प्रयोग गर्नुहोस्
लुगाफाटा र धुलाई
- सुतीको पेन्टी र खुकुलो पाइन्ट वा जामा लगाउनुहोस् ।
- पेन्टीहोज नलगाउनुहोस् (सट्टामा फिला वा घुँडासम्म आउने मोजाहरू लगाउनुहोस् )
- पेन्टी र योनीको सम्पर्कमा आउने कुनै पनि लुगाहरू राम्ररी पखालिएको छ भनी सुनिश्चित हुनुहोस् ।
- भित्री वस्त्रहरूमा फेब्रिकसफ्टनरको प्रयोग नगर्नुहोस् किनभने यसको रसायन कपडामा बस्छ र योनीको छालामा चिडचिडाहट हुन्छ।
यौन समागम
- योनी चिलाउदाँ चिल्लो पदार्थ वा पेट्रोलियम जेली प्रयोग नगर्नुहोस् ।
- यौनाङ्गमा पिडा हुँदा यौन समागम नगर्नुटाढैहोस् ।
- यौन समागम गरि सकेपछि यदि कुनै पोलेको अनुभव भएमा आराम दिनको लागि योनीको छाला माथि बरफ वा तौलियामा बेरिएको जमेको जेल प्याक बिस्तारै लगाउनुहोस् ।
- सङ्क्रमणलाई रोकथाम गर्नको लागि यौन सम्पर्क गर्नासाथ पिसाब फेर्नुहोस् अनि योनीलाई चिसो पानीले पखाल्नुहोस् ।
शारीरिक क्रियाकलापहरू
- योनीमा प्रत्यक्ष दबाब दिने व्यायामहरू जस्तै साइकल चढ्नुबाट टाढै रहनुहोस् ।
- व्यायाम गरिसकेपछिको लक्षणहरूबाट आराम पाउनको लागि तौलियामा बेरिएको जमेको जेल प्याकलाई योनीको छालामाथि विस्तारै लगाउनुहोस् ।
- उच्च क्लोरिन युक्त पौडी पोखरीहरूमा पौडी नखेल्नुहोस् र तातो टबहरू प्रयोग गर्नबाट टाढै रहनुहोस् ।
- भिजेको नुहाउने लुगा र खेलकूदको पोसाकहरूलाई चाँडै खोल्नुहोस् ।
दैनिक जीवन यापन
- लामो समय सम्म बस्दा खेरी फोम रबर रिङ प्रयोग गर्नुहोस् ।
- उभिने समय अवधिको बीच-बीचमा विभिन्न आसनहरू प्रयास गर्नुहोस् ।
- उत्तेजनाले यौनाङ्ग क्षेत्रमा हुने सरगर्मीमा असर पार्न सक्छ । तनावको बखतमा लक्षणहरू झन् खराब देखा पर्न सक्छ । यथेष्ट मात्रामा आराम गर्ने, नरम खालको सङ्गीत सुन्ने र शरीर तन्काउने व्यायाम गर्ने गर्नाले योनीमा हुने असुविधाको तीव्रतालाई कम गर्नमा मद्दत पुर्याउन सक्छ ।