Sa edad na apat na buwan, malamang na pareho kayo ng inyong anak na nakapag-adjust na sa makatuwirang regular na rutina. Magbibigay ang rutinang ito ng pagiging natatantiya na tutulong sa inyong sanggol na makaramdam na ligtas. Sa panahong ito matututunan niyang iugnay ang kanyang pandama, paningin, pandinig at iba pang pandama sa iba't ibang aktibidad ng paggalaw upang gawin ang mga ito na mas may layunin. Halimbawa, kaya na niya ngayong umabot upang hawakan ang kalansing, tuklasin gamit ang kanyang mga kamay, o kalugin ito at pakinggan ang tunog.

Ito rin ang yugto kung kailan magagawa niyang mas ipahayag ang kanyang mga nararamdaman, mga gusto at hindi gusto, at nagsisimulang sabihin ang mga ito at nang mas madalas! Nagiging labis siyang palakaibigan, ngumingiti at nakikipaglaro sa sinumang makita niya.

Sa halos 6 na buwang gulang, magsisimula ang iyong sanggol na magpakita ng matinding kagustuhan sa iyo at ibang tao na palaging nag-aalaga sa kanya. Habang nakikilala ang kaibhan ninyo mula sa iba, nagiging maingat siya sa mga taong hindi kilala. Ito ay "pagkabalisa sa taong hindi kilala". Matututunan niya na kayo ay ligtas at matatag na pundasyon kung saan maaari niyang tuklasin ang mundo. Kaya, mahalaga ang isang pigura ng patuloy na pangangalaga sa yugtong ito.

Sa pagtatapos ng ikapitong buwan, magagawa ng inyong sanggol ang:

Paggalaw

• Gumugulong mula sa pagdapa patungo sa pagtihaya at pabalik
• Itinutulak pataas ang kanyang ulo at katawan gamit ang mga kamay kapag nakadapa
• Umuupo na may suporta ng kanyang mga kamay o pinalalaya ang kanyang mga braso sa maikling sandali
• Sinusuportahan ang buong bigat ng kanyang katawan kapag hinahawakan nang patayo
• Inaabot at hinawakan ang mga bagay
• Tinutuklas ang mga bagay na hawak sa kanyang mga kamay
• Inililipat ang bagay mula isang kamay papunta sa kabila
• Tinitipon ang maliliit na bagay gamit ang mga daliri at pinupulot ang mga ito gamit ang mga daliri at hinlalaki nang sama-sama
• Nilalaro ang kanyang paa at inilalagay pa ito sa kanyang bibig

Paningin

• Nagpapakita ng interes sa makukulay na larawan
• Kaagad na nakikilala ang mga taong pamilyar mula sa malayo (ilang talampakan ang layo)
• Sinusundan ang mga bagay na may mabilis at maayos na mga paggalaw ng mata
• Tinititigan at sinusundan ang maliliit na bagay (hal. mga butil ng tsokolate) sa harap niya sa 30-40 cm ang layo

Pandinig

• Agad na lumilingon bilang tugon sa boses ng magulang sa kuwarto
• Natutukoy ang pinagmumulan ng mahinang ingay na ginawa sa alinmang panig

Pag-unlad ng wika

• Tumutugon sa mga taong tumatawag sa kanya
• Nakikilala ang emosyonal na tono ng boses
• Inginangawa ang sunud-sunod na mga katinig gaya ng bah-bah, da-da
• Ginagaya ang iba't ibang tunog na ginagawa ng adulto

Pag-unlad ng pakikisalamuha at emosyon

• Nagpapakita ng matinding kagustuhan para sa ina o taong nag-aalaga
• Nagsisimulang magkaroon ng pagkabalisa sa taong hindi kilala
• Nagpapakita ng interes sa sarili niyang imahe sa salamin

Pag-unlad ng Pang-unawa

Sa mga ilang buwan na ito, bukod sa pagsagap ng impormasyon natututo rin ang iyong sanggol na gamitin ito sa kanyang pang-araw-araw na mga aktibidad. Sa panahong ito, isa sa importanteng konsepto na nakukuha ng inyong sanggol ay ang prinsipyo ng "sanhi at epekto". Nagsisimula niyang maintindihan na gagawa ang kalansing ng ingay kapag kinalog niya ito. Sa sandaling maintindihan niya na maaari niyang gawin ang mga kawili-wiling reaksyon na ito, magpapatuloy siyang mag-eksperimento sa iba pang paraan upang maganap ang mga bagay-bagay.

Isa pang importanteng konsepto ay ang pagbuo ng "pagiging permanente ng mga bagay". Bago iyon, inaakala ng inyong sanggol na binubuo lang ang mundo ng mga bagay na kanyang nakikita. Kapag itinago mo ang isang laruan sa ilalim ng tela, akala niya na nawala na ito at hindi na hahanapin ito. Ngayon, nagsisimula niyang maintindihan na ang mundo ay mas permanente kaysa sa inakala niya. Hindi talaga nawala ang laruang itinago. Mahalaga itong basehan para sa pag-unlad ng isang matatag na pagkakalapit sa inyo.

• I-enjoy ang paggawa ng tunog gamit ang mga laruan (hal. kalansing) at mga bagay (hal. mga susi) nang paulit-ulit
• I-enjoy ang paglalaro ng "peek-a-boo"
• Hanapin ang bahagyang nakatagong mga bagay

Pagpapasigla ng pag-unlad ng sanggol

Siguruhin na mayroong palaging tagaalaga para sa inyong sanggol. Samantalahin ang kanyang pakikisalamuha upang sanayin siya nang maaga sa mga taong tutulong sa pag-aalaga sa kanya. Mahihikayat nito ang pagbuo ng isang matatag na pagkakalapit sa pangunahing tagapag-alaga upang magkaroon siya ng tiwalang makipagsapalaran at tuklasin ang kapaligiran.

Magiging kapansin-pansin ang ugali ng inyong sanggol sa ilang buwan na ito. Dahil magkakaiba ang bawat bata, huwag magmadali na malaman ang istilo ng pag-uugali ng inyong anak at buuin ang inyong mga aktibidad at pattern ng interaksyon na akma pareho sa inyo.

Ano ang maaari ninyong gawin:

• Hayaang maging pisikal na aktibo ang inyong sanggol nang ilang beses sa isang araw sa iba't ibang paraan; mas mahusay kung mas marami.
• Hayaan siyang magkaroon ng hindi bababa sa 30 minuto na oras ng pagdapa sa buong araw habang gising
• Kapag nakahiga nang nakadapa, hikayatin siyang nakataas ang kanyang ulo at dibdib gamit ang mga kaakit-akit na laruan
• Tulungan ang inyong sanggol na magsanay na umupo at balansehin ang kanyang sarili, sinusuportahan siya sa simula ng inyong sarili o gamit ang mga unan sa likod at mga gilid tapos ay unti-unting inaalis ang mga suporta
• Iwasang pigilan ang inyong sanggol sa stroller, mataas na upuan o baby carrier nang mahigit sa 1 oras sa isang pagkakataon
• Maglagay ng makukulay na laruan sa harap niya upang maakit siyang abutin ang mga ito
• Ipagpatuloy ang pakikipag-usap sa kanya sa araw. Ulitin ang mga pantig na sinasabi niya at hikayatin siyang gayahin ang inyong mga tunog
• Iwasan ang oras ng panonood sa iba't ibang elektronikong media para sa inyong anak

Mga laruang maaari ninyong piliin:

• Mga kalansing at laruan, na iba't iba ang texture at kulay, na gumagawa ng tunog upang hikayatin ang sanggol na hawakan gamit ang kanyang mga kamay
• Mga hindi nababasag na salamin para sa mga sanggol
• Makukulay na mga larawan o aklat para tingnan ninyo ng inyong sanggol nang magkasama

Nagbibigay lang ang impormasyon sa itaas ng pangkalahatang ideya ng mga pagbabagong inaasahan habang lumalaki ang inyong anak. Bawat bata ay natatangi at kadalasang normal ang malawak na mga pagkakaiba sa bilis ng pag-unlad. Huwag maalarma kung medyo iba ang tiyempo ng inyong sanggol o nabibigong makamit ang tiyak na kakayahan sa ilang yugto. Maaari lang nitong inihuhudyat ang pangangailangan para sa mas maraming atensyon.

Talakayin sa doktor o nars, kung sa pagtatapos ng yugtong ito, ang inyong sanggol ay

• Hindi masyadong gumagalaw o gumagalaw nang hindi pantay
• Hindi umuupo nang maayos na may suporta sa kanyang mga kamay
• Hindi kaya ang ilang bigat sa mga binti kapag itinatayo
• Hindi inaabot at hinahawakan ang mga bagay
• Hindi sinusundan ng tingin ang mga bagay na malapit o malayo
• May isa o parehong mata na patuloy na gumagalaw papasok o palabas (ibig sabihin naduduling)
• Hindi tumutugon sa pagtawag
• Hindi ibinabaling ang ulo upang hanapin ang pinagmulan ng tunog
• Hindi nagsasalita

Kung mayroon kayong anumang alalahanin o tanong, talakayin sa mga nars at doktor sa alinmang MCHC o sa inyong doktor / pediatrician ng pamilya.

Mayroon kaming isang serye ng mga workshop at polyeto ng "Masayang Pagiging Magulang!" para sa mga magiging magulang, mga magulang ng mga sanggol at mga batang hindi pa nag-aaral. Mangyaring makipag-ugnayan sa aming tauhan ng pangangalagang pangkalusugan para sa impormasyon.