(HTML Binago ang nilalaman 06/2020)

Ligtas ba ang inyong anak?

• Pangunahing pumapatay ng bata ang pinsala. Maraming bata ang namamatay o nagkakaroon ng kapansanan dahil sa mga pinsala taon-taon. Upang pangalagaan ang inyong anak mula sa mga pinsala, ingatan ang kanyang pag-uugali at alisin ang lahat ng posibleng panganib.
• Maaaring hindi maintindihan o maalala ng mga batang edad na 5 kung ano ang mapanganib. Hindi dapat magpasobra ng pagtaya ang mga magulang sa kanilang kakayahan
• Maaaring magdulot ng mga trahedya ang mga pagkakamali sa pagpapasya. Huwag hayaan ang mga bata na gumawa ng sarili nilang pagpapasya kahit tinuruan ninyo siya kung paano makaiwas sa mga pinsala.
• Ipinakikita ng estatistika na ang bahay ang pinakakaraniwang lugar ng pinsala sa mga batang edad na 0 hanggang 5 taon.

Mga karaniwang pinsala sa mga batang humahakbang-hakbang na edad 3 hanggang 5 taon:

• Sa nadaragdagang paggalaw, mas malakas na katawan at pagiging mas independiyente, gusto ng mga bata sa ganitong edad na umakyat, lumundag at gumaya ng mga pagkilos na mahirap at kadalasang mapanganib. Nagiging mas malamang ang mga pinsala dahil sa kanilang pagiging padalus-dalos at kakulangan ng pagpapasya.
• Kabilang sa mga karaniwang pinsala sa yugtong ito ang mga pagkahulog, pagkasunog at pagkapaso.
• Humingi kaagad ng medikal na payo pagkatapos ng pinsala.

Mga karaniwang pinsala at mga hakbang ng pag-iwas:

1. Mga pagkahulog
   • Iwasang gumamit ng mga bunk bed. Kung maaari, isaalang-alang ang paggamit ng kama na may karagdagang maaaring iurong na kama na nakakabit sa ibaba nito.
   • Dapat iwasan ng mga magulang na gumagamit ng mga bunk bed na hayaan ang kanilang mga anak na matulog sa itaas na palapag. Kung hindi, maglagay ng matibay na mga barandilya sa gilid na angkop ang taas sa itaas na palapag at magkabit ng matatag na hagdan para sa ligtas na pag-akyat.
   • Upang maiwasang mahulog ang mga bata, magkabit ng mga rehas sa bintana at bakod o iskrin sa palibot ng mga balkonahe.
   • Huwag hayaan ang mga batang magtatakbo sa paligid upang maiwasan ang pagkadulas o pagkabangga sa mga dingding, pinto o kasangkapan.
   • Linisin kaagad ang mga natapon gaya ng tubig o grasa sa sahig upang maiwasang madulas ang mga bata.
   • Pumili nang maingat ng mga materyales para sa sahig. Mas malamang ang pagdulas sa makintab na sahig. Maaari ding maging sanhi ng pagdulas ang maliliit na karpet.
   • Dapat na walang mga laruan o bagay ang mga daanan upang maiwasang madapa ang parehong mga adulto at mga bata. Dapat na iayos nang tama ang mga kurdon ng kuryente.

   Hindi ligtas para sa mga bata ang itaas na palapag ng bunk bed.
   Maaaring madulas ang mga bata sa basang sahig kapag tumakbo sila sa paligid.

2. Mga Pagkapaso o sunog
   • Huwag hayaang maglutong mag-isa ang mga bata. Madalas na napapaso ng maliliit na bata ang kanilang mga sarili sa mainit na tubig kapag gumagawa ng mga cup noodle. Matapos ilagay ang mainit na tubig, habang malamig pa ang foam na sisidlan, maaaring maging napakainit ng laman nito. Kung hindi ganap na matibay ang foam na sisidlan, maaari itong maging malambot dahil sa mataas na temperatura. Maaaring mapaso ang maliliit na bata kung hindi nila mahawakan nang matatag ang sisidlan.
   • Huwag ilagay ang mga takure, kaldero o termos malapit sa gilid ng mesa o sa lugar na maaabot ng mga bata.
   • Alisin ang mga posporo at lighter. Bigyang-babala ang inyong mga anak tungkol sa mga panganib ng paglalaro ng apoy.

Pamamahala ng mga Pagkapaso

• Ilagay ang napinsalang bahagi sa dumadaloy na tubig o ibabad ito sa malamig na tubig upang palamigin ito. Huwag direktang ilagay ang yelo sa napinsalang bahagi.
• Alisin nang marahan ang damit sa paligid ng napinsalang bahagi ngunit huwag alisin ang damit na nakadikit sa balat. Ibalot ito sa isang piraso ng malinis na tela o benda.
• Huwag pahiran ng langis, toothpaste, butter o mga sarsang panluto sa ibabaw ng sugat. Huwag itong balutin ng madikit na panapal tulad mga band-aid o mahimulmol na tela.
• Humingi kaagad ng medikal na payo pagkatapos ng pinsala.

Labis na mapanganib ang mainit na tubig at apoy.
Ilayo ang mga bata mula sa mga ito.

Konklusyon:

• Maiiwasan ang karamihang pinsala. Kaya, dapat maging mapagbantay ang mga magulang at alamin pa ang tungkol sa paglaki ng bata upang makagawa ng mga angkop na hakbang ng pag-iwas.
• Huwag kailanman iiwanan ang mga bata na nag-iisa sa bahay o ipaalaga sila sa mas matandang anak.
• Dapat maging magandang halimbawa ang mga magulang para sa mga bata. Bantayang mabuti ang inyong mga anak upang maintindihan ang kanilang pag-uugali at turuan sila ng kaalaman sa kaligtasan sa tamang oras.
• Dapat ding magbigay ang mga tagapag-alaga ng bata gaya ng mga guro sa kindergarten ng tamang patnubay sa maliliit na bata upang maiwasan ang mga pinsala.

Maaaring lumapit ang mga magulang na nangangailangan ng pana-panahong mga serbisyong pangangalaga sa bata sa Serbisyong Pana-panahong Pag-aalaga sa Bata, Mga Sentro ng Pagtutulungan sa Pag-aalaga ng Bata o Proyektong Suporta ng Kapitbahayan sa Pag-aalaga ng Bata ng Kagawaran ng Kagalingang Panlipunan. Para sa impormasyon o mga tanong, mangyaring bisitahin ang website ng Kagawaran ng Kagalingang Panlipunan sa www.swd.gov.hk o tumawag sa Inspectorate sa Pagpapayo ng mga Sentro sa Pag-aalaga ng Bata sa 2835 2016.

Para sa karagdagang impormasyon, mangyaring tumawag sa mga sumusunod na hotline ng Kagawaran ng Kalusugan:

O pagbisita sa mga sumusunod na website: