(Inilathala 01/2017)

Napakakaraniwan ang pagkahilo at pagsusuka sa mga unang yugto ng pagbubuntis. May malaking kaugnayan ito sa mga pagbabago sa hormon sa katawan. Sa karamihan ng buntis na mga kababaihan, kadalasang nawawala nang kusa itong mga problemang sintomas pagkatapos ng unang tatlong buwan ng pagbubuntis.

Narito ang mga payo na maaari ninyong subukan upang maibsan ang kawalang-ginhawa:

• Magkaroon ng kaunti ngunit madalas na mga pagkain, halimbawa, pagkain bawat 2 hanggang 3 oras.  Iwasang gutumin ang inyong sarili.
• Pumili ng mga pagkaing tuyo, mababa sa taba at maraming carbohydrates, gaya ng tinapay, biskwit, kanin, noodles o minasang patatas.
• Iwasan ang pagkakaroon ng mga pagkaing maraming taba o pinrito, kape, bawang at iba pang pampalasa.
• Pumili ng maaasim na inumin gaya ng tubig na may lemon/lemonada, katas ng plum.
• Uminom ng mga likido sa pagitan ng mga pagkain upang maiwasan ang pagkapuno ng sikmura.
• Ipinakita ng ilang pananaliksik na maaaring makapawi ng pagsusuka sa umaga ang luya. Maaaring subukang gumawa ng mga buntis na ina ng inuming may luya sa pamamagitan ng pagpapakulo ng tubig na may ilang hiwa ng malinis na luya. Maaari din kayong magdagdag ng luya bilang sangkap habang nagluluto. Maaaring puno ng dagdag na asin at asukal ang ilang nakapreserba o burong produktong luya na mabibili nang lokal. Dapat iwasan ng mga buntis na ina ang pagkain ng mga ito dahil maaaring pataasin ng sobrang pagkain ang sodium at enerhiya.
• Bumangon nang marahan sa umaga kapag nagising na kayo. Iwasang magsipilyo kaagad ng inyong mga ngipin at dila matapos kumain.
• Buksan ang mga bintana at panatilihin sa loob ang sariwang hangin. Iwasang pumunta sa mga lugar na maraming tao o mahina ang bentilasyon.
• Magkaroon ng maraming pahinga. Maaaring mapalubha ng pagkapagod ang pagsusuka sa umaga.
• Iwasang manigarilyo. Hingin sa mga miyembro ng pamilya na huminto na rin sa paninigarilyo.
• Humingi ng medikal na atensyon kapag malubha ang mga sintomas o hindi gumagaling.

Maaaring humantong sa matinding pagsusuka ang ilang komplikasyon sa pagbubuntis at mga sakit gaya ng maraming ipinagbubuntis, molar pregnancy at thyrotoxicosis. Maaaring magresulta ang matinding pagsusuka sa pagkatuyo ng tubig sa katawan at hindi balanseng electrolyte. Mangyaring humingi ng medikal na atensyon kaagad kapag mayroon kayo ng mga sumusunod na sintomas:

• Hindi makakain ng anumang pagkain sa loob ng 24 na oras
• Bumababa ang timbang
• Hindi umiihi sa loob ng 8 oras o nagiging mas matingkad ang kulay ng ihi
• may karaniwang panghihina, matinding kawalang-ginhawa, pagkahilo, pagkalito o atake
• Masakit na tiyan, lagnat, pagsuka ng dugo