Maraming buntis na ina ang nakararanas ng pagbabago sa gana sa pagkain. Sa kabila ng kanilang kagustuhan na kontrolin ang kanilang diyeta, kung minsan nararamdaman na lang nilang gutom sila kahit kumain na sila ng mas marami kaysa sa kung ano ang kailangan nila. Narito ang ilang payo upang kumain ng malusog, masustansya at makaramdam na busog:

1. Magkaroon ng mga regular na pagkain

   Huwag laktawan ang mga pagkain. Panatilihing magkaroon ng mga pangunahing pagkain at meryenda nang regular. Mapipigil kayo nito mula sa pagkain nang sobra kapag nagugutom kayo. Maaari kayong magplano nang maaga at magdisenyo ng sarili ninyong masusustansyang pagkain at meryenda para sa ilang araw o maging isang linggo.

2. Magplano nang maaga
   • Magkaroon ng tiyak na plano kung ano ang kakainin sa inyong 3 pangunahing pagkain at 2-3 malusog na meryenda araw-araw. Makatutulong ito sa inyo na kontrolin ang dami, pumili mula sa iba't ibang pagkain na mataas ang dami ng sustansya.
   • Dapat kasama sa mga pangunahing pagkain ang mga pangkat ng mga butil at cereal, karne, at gulay. Isama ang mga pagkaing buong butil dahil pinatataas ng kanilang dietary fibre ang pagkabusog.
   • Magplano nang maaga kung ano-anong meryenda ang pipiliin sa pagitan ng mga pangunahing pagkain. Magandang pagpipilian ang gatas, gatas ng soya na pinatibay ng calcium, yoghurt o mga prutas. Sa regular na iskedyul ng pagkain at sinasadyang pagpaplano ng pagkain, hindi gaano malamang na kumain kayo nang may pagkakamali at magkaroon ng mga meryenda na maraming taba, maraming asukal pero mababa ang dami ng sustansya.
3. Pumili ng mga pagkaing maraming dietary fibre
   • Pinatataas ang pakiramdan na pagkabusog ng pagpili ng mga pagkaing maraming fibre gaya ng mga gulay at buong butil.
   • Mga paraan din upang dagdagan ang pagkonsumo ng fibre ang pagsasama ng mga gulay sa inyong mga pangunahing pagkain at kainin ang inyong mga prutas na kasama ang balat (gaya ng mansanas o peras).
   • Isama ang mga buong butil sa mga pagkain. Maaari ninyong palitan ang ilang puting kanin ng brown o red rice. Maaari ninyong piliin ang spaghetti, kanin, patatas, kamote at oats, etc.
4. Bawasan ang mga pagkaing pino o naproseso

   Piliin ang kaunting mga pagkaing pino o naproseso gaya ng mga sausage, luncheon meat, cake, mga biskwit na may palamang krema, atbp. Mataas sa taba, asin, asukal ngunit mababa sa fibre at iba pang sustansya ang mga pagkaing ito. Pumili ng mas sariwang ani sa inyong mga pang-araw-araw na pagkain.