Ano ang ibig sabihin kung natuklasan sa colposcopy na mayroon kang Mababang Antas ng Squamous Intraepithelial Lesion (LSIL) / Human Papillomavirus (HPV) ka? [Tala: Ang LSIL ay dating tinatawag na Cervical Intraepithelial Neoplasia (CIN) I]

• Kung ang isang babae ay na-diagnose na may Squamous Intraepithelial Lesion (SIL) matapos ang colposcopy at/o biopsy, ibig sabihin ay hindi normal ang mga selula sa cervix at nagbago na ang hitsura ng mga ito.
• Maaaring masira ng impeksyon ng HPV ang mga selula sa cervix at magdulot ng mas mataas na panganib ng cancer sa cervix.
• Kung lumabas sa iyong ulat ng colposcopy ang LSIL o HPV, ibig sabihin ay may kaunting pagbabago sa mga selula ng iyong cervix/mayroon kang HPV. Pero karamihan sa mga babae ay gumagaling nang kusa kahit walang gamutan sa loob ng 2 taon. Pansamantala, kailangan mong regular at mas madalas na mag-follow up ng mga pagsusuri sa cervix para mabantayan ang iyong kalagayan.

Kailan dapat ang susunod kong cervical smear?

Ayon sa ‘Panuntunan para sa Pag-iwas at Pag-screen ng Cancer sa Cervix’ na inilathala ng Kolehiyo ng mga Obstetrician at Gynaecologist ng Hong Kong noong 2024, pagkatapos ng colposcopy, kailangan mong magpa-HPV test sa loob ng 1 taon (at sa loob ng 2 taon kung kailangan), at muli pagkalipas ng 3 taon. Kung normal ang lahat ng resulta, maaari ka nang bumalik sa regular na pag-screen ng cervix.

Kung abnormal ang resulta ng follow-up, babaguhin ang iskedyul ng iyong mga check-up.

Kung may tanong ka, mangyaring lumapit sa aming mga medikal at nars na kawani.