Kung na-diagnose ka na may Hindi Malubhang Kondisyon na Tumutubo ang Hindi Normal na Selula sa Cervix (Low-grade Squamous Intraepithelial Lesion, LSIL)/ Human Papillomavirus (HPV) sa pamamagitan ng colposcopy, ano ang ibig sabihin nito? [Mga Puna; Dating kilala ang LSIL bilang Cervical Intraepithelial Neoplasia (CIN) I]

• Kung na-diagnose ang isang babaeng sumailalim sa colposcopy at/o biopsy na may Kondisyon na Tumutubo ang Hindi Normal na Selula sa Cervix (SIL), ibig sabihin nito na hindi normal ang mga selula ng cervix at nagbago ang anyo.
• Maaaring magresulta ang impeksiyon ng HPV sa mga selula ng cervix sa pagkasira ng selula na maaaring magpataas ng panganib ng pagkakaroon ng kanser sa cervix.
• Kung ipinapakita ng iyong ulat ng colposcopy ang LSIL/HPV, ibig sabihin nito na mayroon kang banayad na mga pagbabago ng mga selula ng cervix/naimpeksiyon ka ng HPV.  Gayunpaman, ang karamihang kababaihan ay gagaling nang kusa nang walang anumang paggamot sa loob ng 2 taon.  Samantala, kailangan mong magkaroon ng regular at mas madalas na follow-up na mga cervical smear upang masubaybayan ang iyong kondisyon.

Kailan ako dapat makatanggap ng follow-up na mga cervical smear?

Ayon sa ‘Mga Alintuntunin para sa Pag-iwas at Pag-screen ng Kanser sa Cervix' na inilathala ng by the Hong Kong College of Obstetricians & Gynaecologists, kailangan mo ng inuulit na mga pagsusuri ng smear pagkatapos ng colposcopy kada 6 na buwan hanggang mayroon kang 3 sunod-sunod na normal na cervical smear. Pagkatapos, maaari ka nang bumalik sa rutinang pag-screen ng cervix.

Kung hindi normal ang iyong ulat sa panahon ng follow-up, aayusin nang naaayon ang iskedyul.

Para sa anumang pagtatanong, mangyaring makipag-ugnayan sa aming tauhan ng medikal at pagkalinga.