(Binago ang nilalaman 04/2023)

 

Kapag ipinapakita ng pagsusuring pag-screen ng cervix ang pagkakaroon ng LSIL, ibig sabihin nito na bahagyang nasira ang mga selula. Dahil karaniwang tumatagal ng 5 hanggang 10 taon ang pagsulong mula sa malubhang pagkasira ng mga selula ng cervix hanggang sa kanser, bihirang maglabas ng agarang banta ang kondisyon, kaya mangyaring huwag labis na mabahala. Maaaring bumalik ang bahagyang nasirang mga selula ng cervix sa normal sa ilang kababaihan.

Mahabang proseso ang pagkakaroon ng kanser sa cervix. Unti-unting sumasailalim ang mga selula ng cervix sa serye ng mga pagbabago mula sa normal na mga selula hanggang sa hindi normal na mga selula, hanggang sa banayad, katamtaman, pagkatapos ay malubhang pagkasira, at pinakahuli hanggang kanser sa cervix. Bukod sa tuloy-tuloy na paglubha ng mga pagbabago ng selula, sa anumang oras, maaari ding kusang bumalik sa normal ang mga pagbabago ng selula. Gayunpaman, kahit nagpapakita na ng malubhang pagkasira ang mga pagbabago ng selula, maaari pa rin itong tumagal ng 5 hanggang 10 taon bago lumabas ang kanser.

Hindi kayang ganap na ipakita ng pagsusuri na pag-screen ang antas ng pagkasira sa tisyu ng cervix. Ayon sa dating medikal na mga publikasyon, mula sa 1000 kababaihan na napag-alaman sa unang pag-screen na mayroong banayad na pagkasira ng mga selula ng cervix, humigit-kumulang sa 150 ang aktuwal na mayroong malubhang pagkasira ng mga selula ng cervix. Para sa mas tumpak na pag-diagnose, dapat isagawa ang colposcopy upang kumuha ng tisyu ng cervix para sa karadagang eksaminasyon.

Ano ang colposcopy?

Tinutukoy ng colposcopy ang eksaminasyon ng puwerta at cervix gamit ang isang magnifying glass. Maaaring isagawa ang proseso ng eksaminasyon sa mga klinika nang walang pampamanhid at magtatagal ng halos 10 minuto.

Mga Proseso

Ipapasok ng doktor ang colposcope, lalagyan ang puwerta at cervix ng espesyal na gamot na solusyon at pagkatapos, gagamit ng magnifying glass upang tukuyin ang anumang hindi normal na sugat. Kung may natagpuang hindi normal na sugat, gagamit ang doktor ng isang kagamitan upang kumuha ng maliit na piraso ng tisyu at ipadadala ito sa laboratoryo para sa karagdagang pagsusuri.