(Binago ang nilalaman 12/2019)

Condom

• Ang condom ay isang gomang supot na isinusuot sa nakatayong ari ng lalaki upang iwasan ang mga semilya na makapasok sa matris ng babae. Karamihan ng mga condom ay gawa sa latex.
• Dapat itong ilagay sa nakatayong ari ng lalaki bago ang seksuwal na pakikipagtalik. Gumagana ito bilang hadlang na pumipigil sa pagdaan ng tamod sa puwerta, kaya naiiwasan ang pagbubuntis.
• Kung ginagamit nang tama, maaari nitong maiwasan ang 87% hanggang 98% ng pagbubuntis.
• Maaari itong gamitin nang mag-isa o gamitin kasama ng iba pang paraan ng kontrasepsyon tulad ng mga pildoras na kontraseptibo, mga iniksyon na kontraseptibo o intrauterine device upang matamo ang mas mataas na epekto ng kontraseptibo.
• Maaaring gumamit ng mga condom na gawa sa polyurethane ang mga taong may allergy sa latex.

Mga Pakinabang

• Simple itong gamitin at angkop para sa karamihang tao.
• Maaaring mabawasan ng paggamit ng condom ang mga panganib ng mga sakit na naipapasa sa pakikipagtalik kabilang ang Human Immunodeficiency Virus (HIV).

Mga Disbentaha

• Dapat itong gamitin nang tama sa bawat akto ng pakikipagtalik; kung hindi mababawasan ang pagiging epektibo ng kontraseptibo.
• Maaaring makairita ang mga pampadulas na ginagamit sa mga condom.
• Madaling napupunit ng mga kuko ng daliri, singsing at matatalas.

Tamang Paggamit ng mga Condom

Hakbang 1: Gumamit ng bago at magandang kalidad na condom para sa bawat pakikipagtalik.

Hakbang 2: Tingnan ang petsa ng pag-expire at ang buong pakete ng condom bago gamitin.

Hakbang 3: Alisin ang condom mula sa pakete nito. Huwag gumamit ng gunting at ingatan na hindi ito mapunit kapag hinihila ito palabas.

Hakbang 4: Ilagay ang condom sa ari ng lalaki bago ang anumang kontak ng mga ari.

Hakbang 5: May pag-iingat, hawakan ang condom sa dulo para pisilin palabas ang hangin. Bubuo ito ng espasyo para sa koleksyon ng tamod pagkatapos ng paglalabas ng semilya.

Hakbang 6: Ilagay ang condom sa dulo ng nakatayong ari ng lalaki gamit ang isang kamay. Iladlad ito hanggang ibaba sa puno ng nakatayong ari ng lalaki gamit ang isang kamay.

Hakbang 7: Gumamit ng mga pampadulas na nakabatay sa tubig lamang hal. KY Jelly. Maaaring maging sanhi ang mga pampadulas na nakabatay sa langis hal. baby oil, vaseline na mapunit ang condom.

Hakbang 8: Pagkatapos ng paglalabas ng semilya at bago lumambot ang ari ng lalaki, mahigpit na hawakan ang gilid ng condom at maingat na tanggalin. Hawakan ang gilid ng condom sa pagtanggal at ingatan na hindi matapon ang anumang tamod.

Hakbang 9: Itapon nang tama ang gamit na condom.

Hakbang 10: Kung mapunit ang condom o humilagpos sa panahon ng pagtatalik, dapat kayong humingi ng medikal na payo para sa emergency na kontrasepsyon (kontrasepsyon pagkatapos ng pagtatalik) sa lalong madaling panahon.

Puntong Tatandaan

• Maaaring mabawasan ng Paggamit ng Condom ang panganib ng mga sakit na naipapasa sa pakikipagtalik kabilang ang Human Immunodeficiency Virus (HIV).
• Dapat kayong gumamit ng mga condom nang tama sa bawat akto ng pagtatalik para sa mabisang epekto ng kontraseptibo.
• Kung mapunit ang condom o humilagpos sa panahon ng pagtatalik, dapat kayong humingi ng medikal na payo para sa emergency na kontrasepsyon sa lalong madaling panahon.