Maaaring makatulong ang maliliit na pagbabago sa inyong pamumuhay upang kontrolin ang mga antas ng kolesterol sa inyong dugo at mapanatailing malusog ang inyong puso!

Narito ang ilang mungkahi! Kumilos na!

1. Bawasan ang pagkain ng Saturated Fat
   • Alisin ang balat at taba ng hayop.
   • Palitan ang luncheon meat o mga sausage ng karneng walang taba.
   • Basahin ang listahan ng mga sangkap at iwasang pumili ng mga produktong gawa sa 'langis ng niyog' o 'langis ng palma'.
   • Ugaliin ang pagbabasa ng etiketa ng nutrisyon at listahan ng mga sangkap ng at piliin ang mga produktong kaunti ang taba.
2. Bawasan ang pagkain ng Trans Fat
   • Limitahin ang mga croissant, pastry tulad ng mga egg tart o chicken pie (hindi hihigit sa isang beses sa isang linggo).
   • Bawasan ang dalas at dami kapag kumakain ng mga biskwit (hal. coookies, mga biscuit na may palamang krema).
   • Basahin ang listahan ng mga sangkap at iwasang pumili ng mga produktong gawa sa ‘hydrogenated vegetable oil*’.

   * Kabilang sa  'Hydrogenated vegetable oil' ang: “Hydrogenated vegetable oil”, “Shortening”, “Partially hydrogenated vegetable oil”, “Hydrogenated fat” at “Margarine”.

3. Limitahan ang mga pagkaing nagtataglay ng maraming kolesterol
   • Limitahan ang mga panloob na organ ng hayop, hal. tiyan ng baka, bituka ng baboy, dila ng baka, buntot ng baka, atay ng manok, bato ng pato, ulo ng isda, tiyan ng isda, bituka ng isda atbp.
   • Limitahan ang itlog ng isda, itlog ng hipon, itlog ng alimango at pula ng itlog.
   • Limitahan ang oktupos at pugita.
4. Dagdagan ang pagkain ng Unsaturated Fat (mas malusog na taba)
   • Kumain ng isda dalawang beses sa isang linggo.
   • Piliin ang langis ng oliba, langis ng canola, langis ng sunflower, langis ng mais o langis ng mani para sa pagluluto.
   • Piliin ang karaniwang hindi pritong mga mani (hal. mga almond, pistachio o walnut, atbp.) bilang malusog na meryenda.
5. Dagdagan ang pagkain ng Dietary fibre
   • Kumain ng 1.5 na mangkok o higit pa (3 hain o higit pa) ng mga lutong gulay araw-araw.
     • Pagkatapos makamit ang mga mithiing nabanggit, dagdagan ng ½ mangkok pa ng mga gulay araw-araw.
   • Magkaroon ng 2 hain ng mga prutas araw-araw (ang 1 hain ay katulad ng kamao ng babae).
   • Piliin ang tinapay na whole meal, brown rice, millet at oatmeal.
   • Subukang kumain ng mga tuyong beans (tulad ng black eye beans, pulang patani, atbp). Palitan ang karne ng mga produktong bean tulad ng tofu o tokwa.
6. Habang kumakain sa labas,
   • Pumili ng karaniwang pinasingawang kanin o mga noodle na may malinaw na sabaw. Iwasan ang prito o hinurnong mga pagpipilian.
   • Humiling na ihain ang gravy nang nakahiwalay at iwasang ihalo sa kanin o noodles ang gravy/sarsa.
   • Mag-order ng plato ng pinakuluang mga gulay na walang dagdag na langis.
   • Humiling ng 'kaunting kanin' para sa pagkontrol ng bahagi.
   • Mag-order ng tubig o tsaa; humiling ng 'walang asukal' sa mga inumin o ipahain ang syrup nang nakahiwalay.
7. Bawasan ang Pagkain ng Asin at Asukal
   • Bawasan ang paggamit ng handa nang gamitin na sarsa tulad ng curry paste, chu hou paste, fermented red bean curd, fermented bean curd, white sauce, toyo, patis (Tiparos), atbp.
   • Bawasan ang asin sa pagluluto.
   • Gumamit ng mga mas natural na pampalasa tulad ng luya, spring onion, bawang, paminta, kamatis, sibuyas, lemon grass, basil, rosemary, thyme, atbp.
   • Piliin ang tubig o tsaa; bawasan ang matatamis na inumin tulad ng nakapaketeng inumin, soft drinks, energy drinks atbp.
8. Dagdagan ang pisikal na aktibidad
   • Gumawa ng ehersisyong aerobic, tulad ng paglalakad nang mabilis, pagbibisikleta o jogging, nang mas madalas. Mag-ipon ng hindi bababa sa 30 minutong ehersisyo araw-araw (o 3 oras kada linggo).
   • Dagdagan ang mga pisikal na aktibidad, hal. paglalakad, pag-akyat sa hagdan.