Mahabang panahon nang nagpapatuloy ang biglang paglitaw ng coronavirus, nagkaroon ka ba kailanman ng mga sumusunod na saloobin?

• Sobrang mahal ang mga mask, paano ko mabibili ito?
• Kailangang makihalubilo ng aking asawa sa maraming tao sa trabaho araw-araw, natatakot akong mahawa siya!
• Punung-puno ang tahanan para sa matatanda at may diabetes ang aking ama. Nag-aalala talaga ako!
• Nasa UK pa rin ang pinakamatanda kong anak na babae, pero napakamahal ng tiket at mahirap magpa-book! Ano ang dapat kong gawin?
• Hindi ako makatulog sa gabi. Kailan matatapos ang pandemya?
• Matagal nang nakaliban nang walang bayad sa trabaho ang aking kapatid na babae, masesesante ba siya?
• Sa panahon ng suspensyon ng pasok sa paaralan, palaging naglalaro ng mga video game lamang ang aking anak na lalaki. Nagagalit siya kapag pinapaalalahanan ko siya na magrebisa, hindi ka ba magagalit?
• Sobrang pagod ako nang walang sinuman tumutulong sa paglilinis!
• Nakakainip ang panonood ng TV araw at gabi!

Naapektuhan tayo ng nagpapatuloy na pandemya sa magkakaibang antas. Paano magiging mas matiyaga ang mga kababaihan upang makayanan ang mga naturang mahihirap na sitwasyon, upang bawasan ang mga posibleng epekto nito sa pagtulog, kalooban o mga kaugnayan ng pamilya? Bakit hindi tingnan ang mga sumusunod na sikolohikal na payo upang pasiglahin ang iyong sikolohikal na imyunidad!

Payo 1: Babala sa Napakaraming Impormasyon

Sadya lang napakaraming update na may kaugnayan sa biglang paglitaw ng virus. Makatutulong sa inyo na makaiwas na malinlang sa "pagsusuri ng katotohanan" ng impormasyon nang mabuti at pagbibigay pansin sa pinagmulan ng impormasyon. At, upang maprotektahan ang inyong sarili mula sa labis na emosyon, maaari ninyong i-off ang inyong device sa napapanahong paraan. Ang ipinagkaloob na impormasyon ng Centre for Health Protection tungkol sa pinakabagong lokal na sitwasyon sa Sakit na Dulot ng Coronavirus 2019 (COVID-19) ay ang inyong mapagkakatiwalaang pagpili.

Payo 2: Makatotohanan at Umaangkop sa mga Saloobin

Habang nagpapatuloy ang pandemya, hindi maiiwasang magkaroon ng mas maraming pag-iisip at pagsasaalang-alang. Gayunman, natatangay ba kayo sa serye ng mga negatibong saloobin nang hindi ninyo namamalayan? At nagiging mas lalo pang nababalisa? Halimbawa, "Kung mahawa ang asawa ko, mahahawa kaming lahat! Madudungisan ang aming karangalan!” Sa halip na mag-isip nang higit at ganap na mga paraan, maaari ninyong subukang mag-isip nang makatuwiran at naaangkop, gaya ng, "Hindi nahawa ngayon ang asawa ko, mag-reaksyon na lang tayo sa mga nangyayari!"

Payo 3: Mga Biswal na Paalala para Mahikayat ang Pagbabago

Hindi madaling baguhin ang maraming kalinisan sa sarili at mga pang-araw-araw na gawi nang biglaan para labanan ang biglang paglitaw ng virus. Kahit na mabigo kayo na sumunod sa bawat hakbang upang makaiwas, maaari din ninyong pahalagahan ang maliliit na pagbabago na ginawa mo ng inyong pamilya. Isaalang-alang na gumamit ng mga paalalang biswal upang matulungan ang inyong sarili o ang inyong pamilya na mabuo ang magagandang gawi sa kalinisan sa nakatatawa pero sumusuportang paraan.

Payo 4: Paglutas ng mga Alitan sa pamamagitang ng Pagtuon sa Parehong Mithiin

Maaaring iba ang inyong mga pananaw tungkol sa kung paano sumusulong ang pandemya at ang paraan upang makayanan ito mula sa pananaw ng inyong pamilya. Upang mabisang malutas ang mga alitan, i-adjust ang inyong pag-iisip bago ang pag-uusap – tingnan bilang isang pagkakataon upang magkamit ng mas mahusay na pagkaunawa ng isa't isa at maging handang makipagkasundo. Sa pag-uusap, subukang ilagay ang inyong sarili sa kalagayan ng kabilang partido at gumawa ng may basehang sapantaha tungkol sa kanyang mga alalahanin. Matapos magnilay-nilay sa kanyang mga posibleng alalahanin, ipahayag ang inyong pananaw sa wakas. Halimbawa, "Palagay ko ay isinama mo ang ating apong lalake sa parke dahil ayaw mong mainip siya sa bahay, tama? Para sa akin, maaaring may mas mataas na panganib na mahawa ang paglabas. Pareho lang nating mahal ang ating apong lalake!” Intindihin ang mga layunin ng parehong partido, tukuyin ang mga parehong mithiin, at pagkatapos ay imbitahan ang kabilang partido na pag-usapan kung ano ang pinakamabuti at magagawa, gaya ng "Gusto nating lahat na maging ligtas at masaya, ano sa palagay mo ang maaaring gawin?"

Payo 5: Tanggapin ang Inyong mga Emosyon

Gaano man ang pagwawalang-bahala, paninisi o pagpapakasasa, ay hindi diskarteng makaaangkop para sa pagharap sa iba't ibang mga reaksyon ng damdamin, gaya ng pag-aalala, pagiging walang-kaya, depresyon, galit, atbp. Sa kabaligtaran, tumutulong ang pagtanggap sa mga emosyon na malutas ang nagpapahirap na saloobin.  Maaari ninyong pangalanan ang inyong mga emosyon, gaya ng "Mayamutin ako!", "Natural na mag-alala!"  Pagkatapos niyon, maglaan ng oras upang magpahinga (tingnan ang ehersisyo sa pagrerelaks sa ibaba) bago mag-isip ng mga praktikal na paraan upang makayanan ang paghihirap.

Kung nababagabag pa rin kayo ng labis na mga pag-aalala, subukan ang mabisang paraan upang makayanan ang inyong mga ikinababahala: kusang magplano ng partikular na oras upang mag-alala hangga't gusto ninyo (gaya ng 15-30 minuto pagkatapos ng tanghalian); kapag nag-aalala kayo sa labas ng partikular na oras na iyon, irekord lang nang saglit ang inyong mga ikinababahala, iwanan ang mga ito para sa partikular na oras ng pag-aalala at pagkatapos ay subukang muling magpokus sa kasalukuyang sandali patungo sa ginagawa o mga aktibidad na interesado kayo. Huwag itakda ang partikular na oras ng pag-aalala bago matulog upang maiwasan ang mga negatibong epekto sa kalidad ng tulog.

Payo 6: Matulong nang mabuti

Kung mayroon kayong insomnia, halibawa, nahihirapang makatulog sa loob ng mahigit sa 15 minuto, maaari kayong umalis sa kama at magrelaks sa isa pang lugar (gaya ng isang upuan), hal. pakikinig sa musika o pagbabasa ng ilang aklat sa paglilibang. Pagbalik sa kama para matulog kapag inaantok na kayo. Sa araw, gumawa ng mas maraming magagaan na pisikal na aktibidad at iwasan ang mga pag-idlip, magsanay ng ehersisyo sa paghinga o pagrerelaks bago matulog. Makatutulong ang lahat ng ito sa iyo upang makatulog. Kung mayroon kayong nagpapatuloy na insomnia, maaari kayong humingi ng tulong ng propesyonal at huwag bumili ng mga gamot na over-the-counter nang walang reseta ng doktor.

Mga Mungkahi para sa Ehersisyo ng Pagrerelaks

• Paghinga sa diaphragm(Bersyon na Chinese lamang)
• Progresibong pagrerelaks ng kalamnan(Bersyon na Chinese lamang)
• Ginagabayang paglalarawan(Bersyon na Chinese lamang)
• Maingat na Pagkahabag sa Sarili

Humingi ng Propesyonal na Tulong

Kung naoobserbahan ang kapansin-pansin at paulit-ulit na pananakit, mangyaring kumonsulta sa inyong doktor ng pamilya o lumapit sa mga mapagkukunan sa komunidad.