Impeksyon sa Daanan ng Ihi
Impeksyon sa Daanan ng Ihi
Karaniwang kondisyon ang impeksyon sa daanan ng ihi (urinary tract infection o UTI), na kabilang ang urethritis (impeksyon sa urethra), cystitis (impeksyon sa pantog) at pyelonephritis (impeksyon sa bato). Kinakikitaan ito ng mga halatang sintomas at posibleng pagbalik. Kung hindi nagamot nang tama, maaaring humantong ang UTI sa malulubhang kahihinatnan.
Mga sanhi
Karamihan ng mga impeksyon ay dulot ng E.coli, isang uri ng bakterya na karaniwang nabubuhay sa bituka.
Mga sintomas
- Madalas na pag-ihi - madalas na umiihi na may kaunting dami lamang ng ihi ang inilalabas bawat pagkakataon
- Pananakit o mahapdi kapag umiihi
- Malabo ang ihi at maaaring magtaglay ng dugo
- Pananakit sa ibaba ng tiyan (malapit sa buto ng singit), na nagpapahiwatig ng impeksyon sa pantog
- Maaaring ipahiwatig ng lagnat, pananakit sa ibaba ng likod, pagkahilo at pagsuka ang posibleng impeksyon sa bato
Bakit mas madaling tablan ang kababaihan ng UTI?
Kumpara sa kalalakihan, mas madaling tablan ang kababaihan ng UTI. Pangunahing dahilan nito ay ang pagkakaiba ng kanilang mga biyolohikal na istruktura:
Haba ng urethra
Ang urethra ng kalalakihan ay halos 15 cm ang haba, at sa kababaihan ay 5 cm lang. Kaya, mas madaling makaabot sa pantog ang bakterya at bumabalik papunta sa mga bato.
Pagpapasigla ng pakikipagtalik
Hindi ang pinasisigla ng pagpasok ng ari ng lalaki ang ari ng babae ngunit nagdadala rin ng bakterya mula sa puwerta patungo sa urethra ng babae.
Butas ng urethra
Matatagpuan ang butas ng urethra sa kalalakihan sa dulo ng ari, at sa kababaihan ay sa puwerta kalapit ng butas ng ari at malapit din sa puwit at napapaligiran ng labia majora at minora. Kung hindi malinis ang puwerta o kung ang pagpunas ay ginagawa mula sa puwit papunta sa puwerta (likod papunta sa harap) pagkatapos magbanyo, madaling kapitan ang urethra ng impeksyon ng bakterya sa puwerta, ari o puwit.
Mga yugto na madaling kapitan ng impeksyon
Pagbubuntis: lumalaki ang matris at itinutulak ang pantog, kaya hindi ganap na nababakante ang pantog
Menopause: panghihina ng imyunidad.
Paggamot
- Dapat tapusin ng mga pasyente ang buong kurso ng mga antibayotiko ayon sa reseta ng doktor na walang anumang pansamantalang paghinto, kung hindi maaari magkakaroon ng paglaban ang bakterya at nangangailangan ito ng mas malalakas na mga antibayotiko at mas matagal na oras upang ganap na maalis ang bakterya.
- Dapat uminom ng maraming tubig ang mga pasyente dahil tumutulong ang sapat na dami ng ihi upang mapalabas ang bakterya sa urethra.
- Dapat tumanggap ng tamang paggamot ang mga pasyenteng dumaranas ng diabetes at urethral calculus (bato sa urethra) upang maiwasan ang pagsisimula ng UTI.
Pag-iwas
- Panatilihin ang pansariling kalinisan.
- Pagkatapos gumamit ng banyo, hugasan ang puwerta papunta sa puwit (harap papunta sa likod)
- Panatilihin ang kalinisan sa pagtatalik, at umihi pagkatapos makipagtalik
- Iwasan ang sabon, likidong sabon, vaginal douche, na nagtataglay ng pabango
- Iwasang magsuot ng sobrang mahigpit o mga pantalon na hindi mapasukan ng hangin, kabilang ang mga panty
- Uminom ng maraming tubig.
- Iwasan ang gawi na pagpigil ng ihi
- Manatiling alerto para sa maagang pagtuklas at paggamot