(Binago ang nilalaman 2020)

(Pinagmulan ng impormasyong ibinigay ng Sentral na Yunit ng Edukasyon sa Kalusugan, ang Kagawaran ng Kalusugan) (Binago 2004)

Kalusugan at Kayo

Ang mabuting kalusugan ay ang balanse ng kalusugan ng katawan, isipan at panlipunan, na pinadadali ng maayos na pamumuhay. Nagmumula ang malusog na buhay sa malusog na isipan at katawan. Kaya, pantay na mahalaga ang kalusugan ng katawan, isipan at panlipunan. May iba't ibang tungkulin sa lipunan na gagawina ang mga kababaihan sa panahon ngayon. Kadalasan silang sumasailalim sa stress mula sa trabaho at pamilya. Hindi madali ang pagtupad sa mga kinakailangan ng bawat tungkulin at ang pagkakaroon ng malusog na buhay nang magkasabay. Dapat bigyang-pansin ng kababaihan ang kalusugan ng kanilang isipan pati na rin ng kalusugan ng katawan upang ma-enjoy ang buhay na mabuti ang kalusugan at kasiyahan.

Ano ang Mabuting Kalusugan ng Isipan?

Mahusay at may tiwala ang babaeng may mabuting kalusugan ng isipan. Niyayakap niya ang kanyang pagkatao at ini-enjoy ang buhay. Hindi siya nababagabag ng mga negatibong damdamin (gaya ng pagkabalisa, depresyon, galit, kawalang-kasiyahan, pagkamuhi at pagseselos) o hindi mapalagay na nagpapatuloy at nangyayari. Makabuluhan at may layunin para sa kanya ang buhay. May kakayahan siyang lutasin ang mga problema. Para sa kanya, laging nakokontrol ang mga bagay-bagay, at ang mga problema at kapaligiran ay mga pamamaraan kung saan maisasagawa niya ang kanyang mga talento.

Mga Paraan upang Mapanatili ang Mabuting Kalusugan ng Isipan

1. Maging Positibo at Maganda ang Pananaw
   

   Maging maganda ang pananaw. Yakapin ang lahat nang may positibong pag-uugali at matuto mula sa mga paminsan-minsang pagkabigo. Ito ang mga paraan sa isang masayang buhay.

   Kung mayroong isang baso na kalahati ang laman na tubig, magiging masaya ang isang optimista na may natitira pang kalahating baso ng tubig. Magiging matiwasay siya at magpapatuloy na magtrabaho at sumusulong nang may sigla. Sa kabilang dako, mag-aalala ang isang pesimista na kalahating baso na lang ang natitira, hind maglalakas-loob na sumulong. Sobrang iba ang kahulugan ng parehong kalahating baso ng tubig sa mga optimista at pesimista dahil sa paraan kung paano nila nakikita ito.

   Huwag sobrang mag-alala. Itatakda nang tama ang mga bagay-bagay kapag dumating ang tamang oras. Binubuo ang buhay ng mga ligaya at lungkot. Hindi kailangang mainis ng mga lungkot

2. Subukan ang Iyong Pinakamahusay
   

   Napapagod ang karamihang babae na may mga pamilya na alagaan ang kanilang mga karera at pamilya nang magkasabay. Maaaring makaramdam ng kawalang-kabuluhan ang mga full-time na maybahay kapag nakikita nila ang kanilang mga kaibigan na nagiging matagumpay sa kanilang mga karera habang sila mismo ay gumagawa ng nakakapagod at nakakasawang gawaing-bahay araw-araw.

   Sa katunayan, ang mahalaga ay sinubukan mo ang iyong pinakamahusay sa tungkuling pinili mo. Hindi mo dapat ikumpara ang sarili mo sa iba.

   Nae-enjoy ng mga walang asawang babae ang kasiyahan sa trabaho. Nae-enjoy ng mga maybahay ang masiglang buhay ng pamilya. Maaari ding magkaroon ng masayang buhay ang mga nagtatrabahong babae na may mga pamilya parehong sa bahay at sa trabaho kung may mga makatwirang inaasahan sila sa kanilang mga sarili.

   Isang pangarap ang praktikal na inaasahan. Isang pantasya ang hindi praktikal na inaasahan.

   Pahalagahan ang iyong mga larangan ng kalakasan. Purihin ang iyong sarili para sa iyong mga tagumpay.

3. Makipag-ugnayan at Humanap ng mga Parehong Interes
   

   Abala ang mga taong taga-Hong Kong. Nangangahulugan ang pagkakaroon ng abalang buhay na gumugugol ng kaunting oras na magkasama at pagkakaroon ng mas kaunting komunikasyon sa isa't isa. Kaya, dapat ninyong ingatan ang bawat sandali na ginugugol ninyo kasama ang inyong asawa at gumawa ng masasayang sandali para mapanatili ang matalik na ugnayan. Padalhan ang iyong asawa ng card o bumiyahe nang magkasama paminsan-minsan upang maranasang muli ang romansa at tamis ng pagde-date. Humanap ng mga aktibidad o mga paksa ng usapan na pareho ang interes upang mapabuti ang komunikasyon. Pinananatili ang masayang kasal ng kalidad sa halip na dami ng oras na magkasama. Kaya, ingatan ang bawat sandali na kasama ang inyong asawa!

   Gumawa ng masasayang sandali at bigyana ang inyong asawa ng mga sorpressa upang gawing mas kalugud-lugod ang buhay.
   Huwag magtrabaho sa lahat ng oras. Maglaan ng ilang oras sa pagbabahagi.

4. Mahalaga ang mga Kaibigan
   

   Puno ng stress ang buhay. Kadalasang inilalaan ng kababaihan ang kanilang mga sarili sa kanilang mga karera at pamilya at hindi pinapansin ang paglilinang ng pakikipagkaibigan. Kapag may krisis, walang sinuman na maaari nilang paghingahan ng kanilang mga alalahanin.

   Maaaring ibahagi ng mga kaibigan ang mga maliliit na bahagi ng inyong buhay. Kapag malungkot kayo, naroon ang mga kaibigan upang tumulong at suportahan kayo. Makipagkita sa mga dating kaibigan at makipagkaibigan pa. Makikinabang kayo mula sa pakikipagkaibigan isang araw.

   Simulan ang pagkakaroon ng mas maraming kaibigan at bumuo ng network ng suporta.

   Hayaang maging kaibigan ang iba at maging kaibigan sa iba.

5. Punuin ang Inyong Oras na Paglilibang ng mga Libangan
   

   Kailangan ninyo ng pahinga paminsan-minsan.  Maglaan ng ilang oras upang gawin ang isang bagay na gusto ninyo araw-araw gaano man kayo kaabala. Nagbibigay sa inyo ng kapayapaan ang mga aktibidad na nagtataguyod ng pagkamalikhain, gaya ng paghahardin, paggagantsilyo at paggawa ng mga handicraft at higit na mas nagpapayaman kaysa sa panonood ng telebisyon.

   Binibigyan kayo ng bagong kaalaman ng pagbabasa at patuloy na pag-aaral. Para sa pagkadama ng tagumpay, maaari ninyong isaalang-alang ang mga serbisyong boluntaryo o ang kawanggawa.  Anuman ang ginagawa ninyo, tandaan na huwag sobrang pagurin o abala ang sarili ninyo. Huwag hayaang maging trabaho ang mga libangan.

   Gawin ang aktibong bahagi sa inyong buhay. Simulan ang pag-upgrade sa inyong sarili. Maglaan ng oras para sa paglilibang. Huwag maging alipin ng trabaho o pamilya.

Tingnan ang Katayuan ng Inyong Kalusugan ng Isipan

Anong uri ng tao kayo? Kung mayroon kayong mas maraming hindi malusog na saloobin kaysa sa malulusog na saloobin, humanap ng mga pagpapahusay ngayon upang gawing mas malusog at mas masaya ang buhay!

Para sa karagdagang impormasyon sa kalusugan, mangyaring tumawag sa aming 24 na oras na hotline ng edukasyong pangkalusugan (Cantonese, Ingles at Putonghua) sa 2833 0111 o bisitahin ang website ng Sentro para sa Pangangalaga ng Kalusugan ng Kagawaran ng Kalusugan sa http://www.chp.gov.hk