Ano ang Sakit sa Puso at Daluyan ng Dugo (Cardiovascular Disease, CVD)?

• Ang CVD ay grupo ng mga sakit ng puso at mga daluyan ng dugo
• Kabilang sa karaniwang CVD ang sakit sa puso (atake sa puso), sakit na cerebrovascular (stroke), atbp.

Ano-ano ang dahilan ng CVD?

• Sa mabilis na pagtanda, nagiging hindi na gaanong elastiko ang mga daluyan ng dugo. Bilang karagdagan, ang mga blood lipid tulad ng deposito ng kolesterol sa loob ng mga pader ng mga daluyan ng dugo, na humahantong sa unti-unting pagdami ng mga fatty plaque (atherosclerosis). Nagiging sanhi ang mga plaque ng pagtigas at pagkipot ng mga daluyan ng dugo, na naglilimita sa normal na pagdaloy ng dugo patungo sa utak, puso at iba pang bahagi ng katawan
• Kung masira ang plaque, mabubuo sa paligid ng plaque ang mga pamumuo ng dugo. Maaaring harangan ng pamumuo ng dugo ang pagdaloy ng dugo na naghahatid ng oxygen at sustansya sa puso, utak at iba pang bahagi, na sa kalaunan ay nagiging sanhi ng pagkasira ng selula o pagkamatay. Karaniwang mga halimbawa ang atake sa puso, ischaemic stroke, atbp.
• Sa kabilang banda, maaaring magdulot ng pagputok ng mga daluyan ng dugo ng utak at pagdurugo ang atherosclerosis ng mga daluyan ng dugo ng utak at altapresyon, na hahantong sa haemorrhagic stroke

Ano-ano ang dahilan ng panganib ng CVD?

• Mas mataas ang panganib ng CVD sa isang indibidwal na mayroong mas maraming mga dahilan ng panganib. Maaaring mabago / makontrol ang ilang dahilan ng panganib dahil sa pamumuhay. Maaaring makatulong sa pagbawas ng panganib ng CVD ang pagbabago sa mga pamumuhay na ito

  Mga dahilan ng panganib na maaaring mabagp / makontrol

  • Sobrang katabaan
  • Paninigarilyo
  • Pag-inom ng alak
  • Kakulangan sa mga pisikal na aktibidad
  • Paulit-ulit na stress
  • Tumaas na presyon ng dugo
  • Mga antas ng suboptimal blood lipid
  • Diabetes
  • Hindi gumagalin na sakit sa bato

  Mga hindi mababagong dahilan ng panganib

  • Mabilis na pagtanda
  • Kasariang lalaki
  • Kasaysayan ng pamilya ng maagang CVD
  • Namamanang sakit sa lipid

Bakit mahalaga ang CVD?

• Sa ngayon, pangatlong pinakakaraniwang sanhi ng mga pagkamatay ang sakit sa puso sa Hong Kong, samantalang pang-apat na pinakakaraniwan ang sakit na cerebrovascular

Paano susuriin ang panganib ng CVD?

• Sumasangguni ang mga provider ng tagapagalaga ng kalusugan mula sa mga patnubay na lokal o internasyonal upang suriin ang inyong panganib sa CVD. Halimbawa, ginagamit ng Joint British Societies’ (JBS2) CVD Risk Prediction Chart ang sumusunod na impormasyon upang mahulaan ang inyong panganib sa CVD sa susunod na 10 taon:

  Edad	Kasarian
  Diabetes o hindi	Katayuan sa paninigarilyo
  Antas ng kolesterol sa dugo	Antas ng presyon ng dugo

Ano ang 10-taon na Panganib sa CVD?

• Ipinapakita nito ang inyong panganib ng pagkakaraon ng atake sa puso, stroke at maging ng kamatayan na may kaugnayan sa CVD sa susunod na 10 taon:

  Panganib	Tsansa ng pagkakaroon ng CVD sa susunod na 10 taon
  Mababa sa 10%	Mas mababa sa 10%
  10 hanggang 20％	10 hanggang 20%
  Mataas sa 20%	Mas mataas sa 20%

Paano mapababa ang Panganib ng CVD?

• Maaring magkaroon ang lahat ng CVD. Kahit na ang inyong panganib ay mababa sa 10%, hindi kayo lubusang ligtas. Kaya, dapat tayong magkaroon ng malusog na pamumuhay upang mapababa ang panganib ng CVD
• Kabilang sa malusog na pamumuhay ang pagkain ng balanseng diyeta, pag-iwas sa pagkaing maraming taba, asukal o asin, pag-eehersisyo nang regular, paghinto sa paninigarilyo at pag-iwas sa pag-inom ng alak
• Panatilihin ang pinakamainam na timbang ng katawan
• Panatilihin ang pinakamainam na presyon ng dugo
• Dapat panatilihin ng mga pasyenteng may diabetes ang pinakamainam na antas ng glucose sa dugo
• Maaaring isaalang-alang ng doktor na magreseta ng gamot para sa mga pasyenteng mataas ang panganib

Mga pinagmulan ng larawan: Lupon ng Pagtatanghal ng "Malusog na Puso", Sentro para sa Pangangalaga ng Kalusugan