安全性行为 从今天开始

(01/2007 修订内容)

我的性伴侣……

教妳如何叫他使用安全套

我个老公以前有唔少女朋友，虽然结婚后我哋好恩爱，但有啲性病可以潜伏好耐。而且亦难保佢不会再同其他女人发生性关系，用安全套我就最安心喇。但系……点开口呢？

我个性伴侣呢轮成日返大陆呀……净系做嘢就好啦，我怀疑佢喺上面搅三搅四呀……我……我怀疑佢传染咗性病俾我，真系好担心，又唔知点算。

我如何与伴侣开展使用安全套的话题？

妳可以尝试在大家都觉得舒服、安全及信任的环境下与你的另一半分享彼此的看法。

聆听之余，亦可以尝试用谈情的语气：温柔、稳重、肯定的声调，讲出自己的感受、困难及澄清双方差异的地方。

例如：遇上有关性病或爱滋病新闻时，顺势提出讨论。你可以谈论安全套的保护作用，以及为什么愈来愈多人使用安全套。

切记要避免在热情如火的时候才开始讨论是否使用安全套。否则只会破坏气氛。

资料提供：香港妇女中心协会

妳绝对有性自主的权利

主动保护自己免受爱滋病及其他性病感染

但系如果我嘅伴侣话：

  1. 我唔习惯用安全套！
    • 咁点回应？
      • 习惯系时间累积而来嘅，只要我哋多练习就得啦!
      • 试新嘢能够增加我哋做爱嘅乐趣噃!
  2. 用安全套会破坏我哋嘅浪漫感觉！
    • 咁点回应？
      • 浪漫嘅感觉唔关安全套嘅事喎！而系同我哋嘅前奏有关，不如试吓啰！
      • 咁不如我哋买啲得意啲新奇啲嘅套返嚟试，一齐浪漫吓啰！
  3. 你唔信任我！
    • 咁点回应？
      • 呢个同信任无关，只系同大家嘅健康有关！
      • 俾我觉得我被爱护，对我嚟讲系好重要㗎！
  4. 用套会减低性快感！
    • 咁点回应？
      • 俾个安全套我，睇我哋点样可以从中揾到乐趣！
  5. 我唔用安全套！
    • 咁点回应？
      • 我坚持如果大家都想要更进一步，就一定要用！
      • 我嘅原则系一定要用喎！
  6. 但系我哋以前都唔用安全套喎！
    • 咁点回应？
      • 我哋可以依家用㗎，咁先至可以防止感染或者再受到感染嘛！
      • 我唔想我哋再冒险，所以我哋依家要开始用套嘞！
  7. 但我爱你！
    • 咁点回应？
      • 我都好爱你，但系我哋仍然要用套!
      • 只有爱唔可以保护我哋抵抗性病同爱滋病嘅伤害，但系套就可以！

安全性行为

  • 与性伴侣保持专一的性关系。
  • 多了解性伴侣的性生活及有关背景。
  • 每次行房时，紧记要用安全套及确保使用的方法正确。
  • 选择坚韧度较高之安全套，并在有需要时配合使用水溶性润滑剂。
  • 互相爱抚时，皮肤如有损伤，须避免接触对方之分泌。
  • 口腔内如有损伤，须避免作长时间剧烈接吻。
  • 性病未医好或性器官有损伤时，尽量不要与人性交。
  • 如果自己或者性伴侣有多个性伴侣，就应定期接受爱滋病病毒抗体测试及性病检查。

安全性行为及定时进行子宫颈普查可以预防子宫颈癌！

24小时子宫颈普查服务预约热线：31666631