安全性行為 從今天開始

(01/2007 修訂內容)

我的性伴侶……

教妳如何叫他使用安全套

我個老公以前有唔少女朋友，雖然結婚後我哋好恩愛，但有啲性病可以潛伏好耐。而且亦難保佢不會再同其他女人發生性關係，用安全套我就最安心喇。但係……點開口呢？

我個性伴侶呢輪成日返大陸呀……淨係做嘢就好啦，我懷疑佢喺上面攪三攪四呀……我……我懷疑佢傳染咗性病俾我，真係好擔心，又唔知點算。

我如何與伴侶開展使用安全套的話題？

妳可以嘗試在大家都覺得舒服、安全及信任的環境下與你的另一半分享彼此的看法。

聆聽之餘，亦可以嘗試用談情的語氣：溫柔、穩重、肯定的聲調，講出自己的感受、困難及澄清雙方差異的地方。

例如：遇上有關性病或愛滋病新聞時，順勢提出討論。你可以談論安全套的保護作用，以及為甚麼愈來愈多人使用安全套。

切記要避免在熱情如火的時候才開始討論是否使用安全套。否則只會破壞氣氛。

資料提供：香港婦女中心協會

妳絕對有性自主的權利

主動保護自己免受愛滋病及其他性病感染

但係如果我嘅伴侶話：

  1. 我唔習慣用安全套！
    • 咁點回應？
      • 習慣係時間累積而來嘅，只要我哋多練習就得啦!
      • 試新嘢能夠增加我哋做愛嘅樂趣噃!
  2. 用安全套會破壞我哋嘅浪漫感覺！
    • 咁點回應？
      • 浪漫嘅感覺唔關安全套嘅事喎！而係同我哋嘅前奏有關，不如試吓囉！
      • 咁不如我哋買啲得意啲新奇啲嘅套返嚟試，一齊浪漫吓囉！
  3. 你唔信任我！
    • 咁點回應？
      • 呢個同信任無關，只係同大家嘅健康有關！
      • 俾我覺得我被愛護，對我嚟講係好重要㗎！
  4. 用套會減低性快感！
    • 咁點回應？
      • 俾個安全套我，睇我哋點樣可以從中揾到樂趣！
  5. 我唔用安全套！
    • 咁點回應？
      • 我堅持如果大家都想要更進一步，就一定要用！
      • 我嘅原則係一定要用喎！
  6. 但係我哋以前都唔用安全套喎！
    • 咁點回應？
      • 我哋可以依家用㗎，咁先至可以防止感染或者再受到感染嘛！
      • 我唔想我哋再冒險，所以我哋依家要開始用套嘞！
  7. 但我愛你！
    • 咁點回應？
      • 我都好愛你，但係我哋仍然要用套!
      • 只有愛唔可以保護我哋抵抗性病同愛滋病嘅傷害，但係套就可以！

安全性行為

  • 與性伴侶保持專一的性關係。
  • 多了解性伴侶的性生活及有關背景。
  • 每次行房時，緊記要用安全套及確保使用的方法正確。
  • 選擇堅韌度較高之安全套，並在有需要時配合使用水溶性潤滑劑。
  • 互相愛撫時，皮膚如有損傷，須避免接觸對方之分泌。
  • 口腔內如有損傷，須避免作長時間劇烈接吻。
  • 性病未醫好或性器官有損傷時，盡量不要與人性交。
  • 如果自己或者性伴侣有多個性伴侶，就應定期接受愛滋病病毒抗體測試及性病檢查。

安全性行為及定時進行子宮頸普查可以預防子宮頸癌！

24小時子宮頸普查服務預約熱線：31666631