(Inilathala 07/2016)

Pamamanas

• Nagdudulot ng pagpapanatili ng tubig ang bumibilis na pagtaas ng antas ng estrogen sa panahon ng pagbubuntis. Bilang resulta ng gravity, naiipon sa mga binti ang karamihan ng tubig. Halos 80% ng mga buntis ang may namamagang bukung-bukong (pamamanas).
• Pagkatapos manganak, bumabalik sa normal ang antas ng estrogen, ilalabas mula sa katawan ang naipong tubig.
• Kung magkaroon ka ng biglang pamamaga ng bukung-bukong, kamay o mukha o mabilis na lumubha ang pamamaga, sabihin nating sa loob ng ilang araw, maaaring palatandaan ito ng pre-eclampsia (mangyaring sumangguni sa polyeto na“Pre-eclampsia” leaflet) . Dapat kayong magpatingin kaagad sa doktor.

Mga payo

• Magsuot ng maginhawang sapatos na medyo mas malaki kaysa sa bago magbuntis.
• Itaas nang maginhawa ang mga binti sa isang bangkito o mga unan habang nagpapahinga.
• Iwasang uminom ng mga diuretics dahil pabababain ng mga gamot na ito ang inyong presyon ng dugo. Bababa ang daloy ng dugo sa inunan at hihina ang supply ng oxygen at sustansya sa sanggol na nasa sinapupunan.

Madalas na Pag-ihi

• Resulta ito ng pagdami ng daloy ng dugo sa mga bato nang 50% sa panahon ng pagbubuntis at ang epekto ng pagrerelaks ng progesterone sa makinis na kalamnan ng daanan ng ihi.
• Bukod dito, mas madaling kapitan ng impeksyon ang daanan ng ihi ng buntis. Maaaring humantong ang impeksyon sa daanan ng ihi sa nephritis at maagang panganganak kung hindi nagamot nang maayos. Kung mayroon kayong madalas na pag-ihi at kirot habang umiihi o umihi kayo ng dugo, dapat kayong humingi kaagad ng medikal na payo.
• Dahil mas lumalaki ang matris sa huling bahagi ng pagbubuntis, sasailalim sa presyon ang pantog at magdudulot ng madalas na pag-ihi.

Mga payo

• Hindi ninyo dapat pigilin ang pag-inom ng likido dahil maaari nitong itaas ang tsansa ng impeksyon sa daanan ng ihi.
• Kung sakaling mayroon kayong impeksyon sa daanan ng ihi, dapat kayong uminom ng mga antibayotiko ayon sa mga tagubilin ng doktor.
• Kung mayroon kayong paulit-ulit o patuloy na impeksyon sa daanan ng ihi, dapat kayong humingi ng medikal na pagkonsulta nang maaga. Maaaring may kaugnayan ito sa mga pinakaugat na problema sa anatomiya ng daanan ng ihi o mga bato.